التبول اللاإرادي

Home / مشاكل الخصية / التبول اللاإرادي
التبول اللاإرادي

هو عدم قدره الطفل على السيطرة على المثانة بحيث يخرج البول بدون أن يقصد هو بنقول عليه Enuresis بالإنجليزية الطبية ساعات يحصل التبول دة بالليل فا نقول عليه Nocturnal Enuresis تبول لاإرادي ليلي وساعات بيحصل بالنهار تبول لاإرادي نهاري بنقول عليه Diurnal Enuresis وممكن يكون احادي العرض وممكن يكون غير احادي العرض 

وممكن يكون أولي أو ثانوي إزاي يعني؟ لو هو أولي معنى كدة إن الطفل عمره ما أتعلم يسيطر على البول يعني هو دايما من أول ما أتولد وهو بيعمل على نفسه وهو نايم ماعرفش أبدا يتعلم السيطرة على البول أثناء النوم أو التحكم في البول يعني النوع التاني أو الثانوي يعني بيكون طفل أتعلم خلاص وبقت كل حاجة كويسة وجه على سن متأخر يعني مثلا 10 سنين أو سن المراهقة أو حتى البلوغ و ابتدئ يعمل على نفسه وهو نايم في الحالة دي يعني في الحالتين دول السببين دول مختلفين أو الأسباب مختلفة  

 إيه الأسباب طيب إيه اللي بيسبب مشكلة التبول اللاإرادي الليلي بالذات؟

بعض الناس المثانة عندهم صغيرة أو فيها تقلصات لاإرادية فا بيحصل كدة برضه بعض الناس عندهم عامل وراثي هتلاقي الطفل مامته أو باباه كان عندهم نفس المشكلة وهما صغيرين

 في ناس كتير عندهم مشاكل مثلا في الهرمونات بالذات هرمون اسمه Antidiuretic Hormone أو الهرمون المضاد أو المقاوم للتبول إن الإنسان مايعملش سوائل كتير في الكلية ويخرجها الهرمون دة بيمنع كدة فا لما يقل الهرمون دة فا إحنا نروح الحمام كتير وبالليل مانقدرش نسيطر على التحكم يعني في المثانة

أي إصابة حصلت في النخاع الشوكي أسفل الظهر كل الحاجات دي عندها مشكلة في التحكم في البول 

في ناس عندهم مشاكل في النوم نومهم عميق جدا لدرجة أنهم ما بيقدروش يصحوا لما تيجي لهم الرغبة في التبول في حالات طبية زي الإصابة بمرض السكر الإمساك المزمن الالتهابات يعني اللي في المثانة البولية

السبب النفسي تعريض الأطفال لضغط نفسي رهيب سواء من معاملتهم بقسوة أو حدوث حالة طلاق في العيلة أو وفاة أو أنكم تنقلوا بيت أو مدرسة جديدة أو يتعرض للتحرش مثلا من شخص في المدرسة

كل الأسباب دي ممكن تسبب إنه التبول اللاإرادي يحصل فا معنى كدة إنه العلاج بيعتمد إن الحالة النفسية للطفل تكون كويسة   

الأولاد فرصة إصابتهم بالتبول اللاإرادي تزيد مرتين عن البنات وبالذات اللي عندهم مشكلة في نقص التركيز وفرط الحركة

لما نيجي نعالج المشكلة نعالجها إزاي؟

التاريخ المرضي والأسري وكمان ها نعمل كشف عام وتحليل بول علشان نعرف إذا في أي التهابات في المثانة دي أول حاجة وناخد يمكن عينة دم علشان نشوف الهرمونات اللي عنده طيب نعالج المشكلة إزاي؟ أول خطوة بقى إن إحنا نعرف إذا كان في أي سبب عضوي يعني إذا كان المريض مصاب بأي مرض زي مثلا السكر أو أي مرض تاني ونعالج المشكلة ……استشاره الطبيب لتلقي العلاج اللازم واحذ الادويه المناسبه لمنع تكرار المشكله

Leave a Reply